Ek is my lewe lank verskriklik lief vir swem. Veral see en riviere, maar vriende se swembaddens werk ook goed. Ek onthou die paar geleenthede wat ek al gehad het om in riviere te swem klokhelder.
Dis ook die enigste oefening wat ek op hierdie stadium kry. ‘n Vriendin het my gebless met haar gymkaartjie. So ek swem so 4, 5 keer ‘n week op en af in die gym se onderdak swembad. Heerlik.
So besluit ek hierdie jaar om al my verjaarsdag geld te spaar en die tattoo te kry wat ek al vir jare wil doen. (As jy 50 word, kry jy baie drank, sjokelade en kontant) My middelste kind is 24 Desember al 10 jaar by die Here en ek wil haar naam in my ma se handskrif op my lyf rondra.
Eintlik wou ek dit onder my hart sit. Privaat en simbolies. Maar hierdie ronde lyfie is nie gemaak daarvoor nie. Ek besluit toe om dit op my voet te doen.
Die proses self was glad nie seer nie. Ook nie agterna nie. Maar die reels om dit agterna te versorg!! Ek moet regte seep gebruik. Elke keer ‘n skoon handdoek of dan ‘n weggooi kitchentowel gebruik om dit droog te maak. Ek moet 4 keer ‘n dag prep opsit. Ek mag dit nie in die son laat kom of natsweet nie. En EK MAG NIE SWEM NIE!!!! Nie vir 2 weke nie. Ek kon ook nie soos gewoonlik die berg met die kinders uitklim nie. En ek wou juis my Jessica hondjie se asies gaan strooi het. Sy het altyd so graag saammet ons die berg uitgeklim.
Ten minste het ek geen ongemak of pyn nie. Skoondogter het vir my ‘n helse scary link gestuur van die gevolge van ‘n voet tattoo. En natuurlik het al die kinders reeds tattoo’s gehad, so ek is toegegooi met raad en raas.
Ek moet se my baie konserwatiewe moeder het die tattoo heel goed gevat. Selfs oor my skouer kom loer terwyl die kunstenaar daarmee besig was. Sy kon nie glo dat ek sit en lag en gesels terwyl hy besig was nie.
Nou moet ek nog net so ‘n week uithou voor ek weer in water kan insink. Warmste droogste kerstyd ooit.
Wat ń besonderse tattoo, Woestynkind. Jy is braaf, maar ek verstaan so hoekom jy dit wou doen. Ek en glimlag vir jou kids en jou ma se onderskeie reaksies. Ampertjies kan jy weer swem.
LikeLiked by 1 person
Wow die mooiste een wat ek nog gesien het
LikeLike
Bake dankie Dromer. Ek dink ook dis pragtig.
LikeLike
Ek is nie ‘n tattoo-entoesias nie, maar hierdie een begryp ek. Dis mooi.
LikeLike
Dankie Hester. Jou kompliment beteken baie vir my.
LikeLiked by 1 person
Dis nou interessant Ek het gedink op mens se voet sal dit baie seer wees
LikeLike
Ek het dieselfde gehoor. Maar dit was regtig nie
LikeLiked by 1 person
🙂
LikeLike
Pragtig, veral die sentiment rondom dit… mooi prentjie en ek hou baie daarvan dat jou kind se naam in jou ma se handskrif is.
LikeLike
Baie dankie. Dis vir my ook spesiaal.
LikeLike
Dit is pragtig Woestynkind. Werklik ‘n besonderse tatoe.
LikeLike
Dis baie baie mooi. Toe kies jy die hittegolf om nie te mag swem nie, dink dit was meer eina as die tattoo
LikeLike
Baie dankie. EK moet net nog tot maandag dag uihou
LikeLiked by 1 person